Leev Üle, leev Fründe d’r Jesellschaff, en erfolgreiche Session 2011/2012 un dat jecke Datum „88.stes Bestonn“ unserer Jesellschaff litt hinger uns.

Mir han wunderbare Sitzunge erläv, en dolle umjubelte Jalla en d´r Mess gefiert un met d´r Üleparty en d´r Jesamtschull dä Sitzungsfastelovend usklenge losse.

Am Ruusemondach es d´r UHU met ner jruße Delegation bei schönstem Wedder beim Zoch metjejange. Och am Diesntag en Dellbröck war d´r UHU traditionell die größte Gruppe em Zoch. Et wor en wunderschöne Session un mer wulle all denne, die sich vür un hinger d´r Britz för d´r UHU enjesetzt han, hätzlich danke.

Noh d´r Session es vür d´r Session un mer wulle üch ne Usbleck op die nächste Veranstaltunge vom UHU jevve.

Am 30. April fingk die traditionelle Maiparty vun d´r J`UHU vun 1988 statt. Et jitt e Liveprogramm in Konzertlänge met de Paveier un dä Jrupp Handercover.
Die Party läuft em Festzelt op dem Marktplatz aan d´r Kemperwies. Kaate sin unger karten@j-uhu.de oder em Werk 2 zom Pries vun 17 Euro ze krieje. Wegen d´r Maiparty jitt et diss Johr kein Mairadtour. Die fällt ersatzlos us.

Dofür weede mir am Sundaach, dä 03.06. die Familije Tour 2012 noh Eckenhagen zom Aape und Vujelspark mache. Unger www.affen-und-vogelpark.de künnt ehr üch schon ens aanluhre wat et do su jitt. Öm 9 Uhr jeiht et los vum Marktplatz Dellbröck. Zesamme fahre mer im Bus noh Eckenhagen un sin ca 18 Uhr zoröck. Kosten 15 Euro für Erwachsene, 10 Euro för Pänz. Em Pries es die Busfahrt, Entritt un Verpflegung. Et weet jejrillt. Meldet üch bes zöm 15.05 unger 0221 6800573 (UHU Kartenhotlein) an.

Dä 2 UKKA (UHU-Kneipen-Kulturabend am 02.06.2012) met Paveier „anplackt Konzert“ (usjestöpselt) em Werk 2 es restlos usverkouf. För die Scheffstour met Bläck Fööss jitt et och kein Kaate mih.

Leider mohte mir en dä verjangene Woche und Monate vun zwei unserer Mitglieder Abschied nemme. För emmer vun uns jejange sin Helmut Wissner un Hans Breuer. Mer weede ihr Aandenke en Ihre halde.

Mer wünschen üch all e schön Osterfess

Vill Jröß, Üre Vörstand